Дойдум | Сонуннар | Форум | Аадырыстар | Кэпсиэм этэ | Фотогалерея | Субэлэр | Ссылкалар | Опрос | Чат | e-mail
29.03.2004. Дьокуускай. Кэпсиир биhиги анал корреспонденкабыт Анна Андросова:
Урдук айыыларбыт
Сырдык санаалара
Сылаас тыынынан
Сыдьаайа туруохтун!
Доом!
- диэн алгыhынан "Баайа5а уустара" быыстапканы аста биhиги киэн туттар киhибит Норуот маастара, П.А.Ойуунускай аатынан Гос. Премия лауреата, саха духовнай лидердарыттан биирдэстэрэ, белеhуек Борис Федорович Неустроев-Мандар Уус.
Баайа5аттан уопсайа 43 уус оноhуга кэлбит. Уус диэн манна тимир эбэтэр мас ууhа эрэ буолбакка уопсайынан норуот маастара, уран тарбахтаах айар киhи барыта ааттанар. Киhи уерэрэ, сонньуйара диэн, улэлэр истэригэр оскуола о5олорун, о5о саадын иитиллээччилэрин айымньылара бааллар. Биирдиилээн ааттыыр буоллахха кыттыыны ыла кэлбиттэр Мандар Ууhу кытта:
Оскуола о5олоруттан Чарина Оля, Николаева Ньургуйаана, Христофорова Маша, Белолюбскай Сеня, Белолюбскай Вася, Шамаев Женя, саамай эдэр быhах онорооччу Миша Шишигин улэлэрэ бааллар. Саамай кыра кыттааччыларбыт 4 саастаах Алина Романова, 7 саастаах улуус курэ5эр 3-с миэстэлээх Матвей Винокуров уруhуйдара.
Быыстапка кэмигэр Борис Федоровичтыын быыс булан кэпсэттим:
Бу быыстапка тэриллибит сыала-соруга тугуй?
Борис Федорович Неустроев-Мандар Уус:
"Билинни ыарахан кэмнэ хас биирдии улуус, нэhилиэк, туелбэ олох олорорго суол тобулунар кэмнэрэ. Хайа дойду туох идэлээ5инэн, кыахтаа5ынан ыал буола сатыыр. Биhиги Баай А5абыт ууhа былыр былыргыттан уустар уутуйан олорбут туелбэлэрэ буолар. Ол иhин биhиги ебугэлэрбит биэрбит талааннарын сергутэбит. Бу быыстапка дьоммутугар, улэhиттэрбитигэр, эдэр уустарбытыгар суол аhыы буолар. Дьон-сэргэ сэнээриитин, ейебулун, атыы-тутуу тахсарын кэтэhэбит. Уонна Баайа5а5а тутулла турар "Уус кыhата" айар дьиэ улэ5э киирэригэр олук буолуо этэ."
Уустар улэлэрэ "Арчы дьиэтин" 3 саалатыгар кердеруугэ турар. Быыстапка туhунан бэйэтин санаатын уллэстэр бу куну тэрийсибит "Арчы дьиэтэ" ей-санаа сайдыытын киинин хотуна Надежда Семеновна Толбонова:
Надежда Семеновна Толбонова, "Арчы дьиэтин" директора:
"Бу кун былаанна киирбитэ ыраатта. Биhиги кииммитигэр убаастыыр Убайбыт, сурун субэhиппит Борис Федорович-Мандар Уус кэлэн ыалдьыттыыра уонна кини уерэнээччилэрин, утумнааччыларын улэлэрэ быыстапка буола турара биhиги киэн туттуубут. Баайа5алар ааттара ааттана туруохтун!"
Дьокуускай куоракка олорор Баайа5а дьоно, сурдээх элбэх ыалдьыттар, ону таhынан ыаллыы сытар улуустартан кэлбиттэр бааллар. Ол курдук Ханалас улууhун Ектем нэhилиэгэр олорор Хатылаев Аркадий уонна Неустроев Архип дьиэ кэргэттэрин илдьэ кэлбиттэр. Керсен сэhэргэстим:
Аркадий, Архип, Баайа5а ыччаттара:
"Биhиги быыстапка тэриллэрин дьоммутуттан Баайа5аттан истибиппит. Олус учугэй. Нэhилиэк улэтин кердеруу атын нэhилиэктэргэ холобур буолар мероприятие. Бу биhиги Баайа5алар тумсуулээхпитин кердерер. Инникитин да5аны дойду дьонун бииргэ тумэн, тэннэ улэлэhэн, бэйэ бэйэбитигэр кемелеhе олоруоххайын!"
Бу уеруулээх тугэни киэркэтэ кэллилэр Баайа5аттан улуус, республика конкурстарын кыайыылаа5а, Парижка Ойуунускай куннэрин кыттыылаа5а, Турция5а буолбут Аан Дойдутаа5ы 1-кы ункуу фестивалын дипломана "Ньургуhун" о5о ункуу ансамбла (салайааччы Неустроева Людмила Гаврильевна), Герман уонна Клавдия Хатылаевтар салайааччылаах "Тэтим" сахалыы инструментальнай ансамбль, Саха Гос. Театрын артыыстара Россия Гос. Премиятын лауреата бэйэбит уолбут Иннокентий Луковцев, Саха Республикатын утуелээх артыыhа Петр Баснаев уонна Иван Попов, Баайа5аттан теруттээх Уус-Алдан улууhугар олорор Станислав Луковцев, Опера уонна Балет Театрын солиhа Роман Березкин, кырачаан артыыстарбыт Вова Дедюкин уонна Даша Андросова.
Бу суду быыстапканы тэрийсибит Баайа5абыт нэhилиэгин баhылыга Роман Романович Романов кэпсиир:
Роман Романович Романов, Баайа5а баhылыга:
"Бу быыстапка - биhиги дьоммут олохторун, улэлэрин-хамнастарын, ситиhиилэрин кердеруу. Быыстапка буоларын истээт, дьоммут ый инниттэн ере куурэн бэлэмнэннилэр. Бар дьоммут ба5а санаалара улахана, сырдыкка-кэрэ5э тардыhыылара биhигини уердер. Техническай еттуттэн ыарахаттар баар да буолаллар, иннэн турбакка 7 массыынанан 40-ча киhи буолан кэллибит."
Кэлбит ыалдьыттары керсен кылгас ыйытыыларбар хоруйдуулларыгар кердестум.
Иннокентий Афанасьевич Потапов, искусствовед:
"Тэрээhин учугэй. "Арчы дьиэтэ" олус интириэhинэй мероприятиелары тэрийэр. Бу кун ураты кун. Куорат общественноhыгар ей-санаа киллэрэр биэчэр."
Августина Николаевна Филиппова, модельер:
"Сурдээх кыра нэhилиэккэ бачча элбэх уус баара сехтерер. Саха сиригэр сенсация буолар быыстапка дии саныыбын. Ескетун дойдуга суду талаан баар буолла5ына, кини хайаан да5аны сыдьааннардаах буолар. Бу - айыл5а сокуона. Оннук киhинэн эhиэхэ Борис Федорович буолар. Мин иис идэлээх буоларым быhыытынан, Анна Васильевна Мандарова улэлэрин сэнээрдим. Кини улэтэ традиционнай прикладной искусствоны уйэтитии. Сорох маастардар улэлэрэ ситэтэ суох буолааччы. Оттон Анна Васильевна енун дьуерэлээн, танаhын таба тутан олус нарыннык, ыраастык улэлиир. Ессе себулээн таба кербутум диэн "Ньургуhун" ансамбль костюмнара. Бу танастары айбыт киhи этническэй эйгэ5э чугас ыччат дии саныыбын."
Сардана Дмитрьевна Егинова, СГУ преподавателя:
"Олус ча5ылхай быыстапка. Борис Федорович биhиги дьиэ-кэргэн себулуур, убаастыыр киhибит. Биhиги а5абыт Гаврильев Дмитрий Николаевич Баайа5а нэhилиэгин бочуоттаах гражданина. Онон биhиги биир ситимнээхпит. Баайа5аларга махталбытын, ба5а санаа бастыныны тиэрдэбит."
Ити курдук "Баайа5а уустара" быыстапка маннайгы кунэ тумуктэннэ. Дьон-сэргэ астынан, дуоhуйан тар5аста.
